Hemsereka Pêroyî ya DEM Partî Tulaye Hatîmogullari kombîyayîşê hemşaredaran de qisey kerd. Kombîyayîş merkezê partîye de ame kerdene û Hemserek Tuncer Bakirhan û endamê MYKyî zî tewrê ci bîyî.

Kombîyayîş de hêverî Hetkarê Hemserekan Mehmet Ruştu Tîryakîyî qisey kerd û da zanayene ke gefê qeyûman dewam kenê.

Dima Hemsereka Pêroyî ya DEM Partî Tulaye Hatîmogullari xîtabê girseyî kerd. Tulaye vat: ''Çarçewa stratejîya 'Pêkerdişê Şaristanan de ma destkewteyê girîngî vistî destî la îqtîdarî ancî çim verda şaredarîyanê ma. Qeyûmî pereyê şarê ma diznenê. Nika zî îqtîdar bi SGKyan û 'polîtîkayanê tesarufî' keno ke şaredarîyanê ma bigêro binê ablûqa. 

Şewa bîne ame eşkerakerdene ke meaşo asgarî bîyo 22 hezar û 104 TL. No bêwijdanî ya. Îqtîdar şarî rê xizanîye ferz keno. Ma ney qebul nêkenê.

Îdareyê Esadî şi, HTŞ ame. Vera DAÎŞî tewr zaf kurdan şer kerd. La îqtîdarê Tirkîya wazeno ke dewtkewteyanê Rojawanî çin bikero. Ganî îdareyê Sûrîye yo newe demokratîk bibo ke asayîşê Tirkîya zî do garantî bibo. 

Hewteyêkî verî ma seba pêvînayîşê Îmraliyî ancî muracat kerd. Ganî meseleya kurdan bêra çareserkerdene. Coka ganî Birêz Ocalan de pêvînayîş bêro kerdene û prosesê haştîye newe ra dest pêbikero. Oyo ke ganî leze bêro kerdene akerdişê beranê Îmraliyî û pêvînayîşê bi Ocalanî yo.''

Ma Herêma Kudîstanî de Birêz Bafil Talabanî de roniştibî. Pêvînayîşê ma de di mesajî vejîyayî vernî; yewîya neteweyîye û pawitişê destkewteyan. Her ke ma vanê haştî bi ÎHA û SÎHAyan hêrişê ma kenê, tecrîd giranêr beno, qeyûmî tayîn benê, zîndanan de teda zêdîyena. Vurnayîşê na rewşe destê ma de yo. Ganî ma hîna zaf xo rêxistin bikerê, bixebitê.''