Wekîla HDPyî ya Adana Tulaye Hatîmogullari derheqê tecrîdê vera Rayberê Şarê Kurdî Abdullah Ocalanî, raporê CPTyî de ANFyî reyde qisey kerd.

Tulaye Hatîmogullari vat: ''Kerdişê vera rayberê şarî yeno manaya kerdişê vera şarî. Ocalan sere de seba kurdan seba pêro komelan û Rojhelatê Mîyanênî girîng o. Pêro şarî bi meraqêkê pîlî ewnîyenê fikranê Birêz Ocalanî. No tecrîd nêeşkeno fikranê Birêz Ocalanî sînordar bikero. No tecrîd binpaykerdişê huqûq û qanûnê bingeyî yo.

Ganî bi hawayêkê cidîyî raporê CPTyî ser o bêro vindartene. Seba ke meseleya kurdan bi haştî û demokrasî bêra çareserkerdene ma hewceyê fikranê Birêz Ocalanî yê.Ganî cade seba haştî û dîyalogan Birêz Ocalan wa sey muxatab bêro girewtene. Raporê CPTyî û dezgehanê heqanê merdiman zî heman çîyî vatî.''