Hemsereka Pêroyî ya DEM Partî Tulaye Hatimogullari Adana de partîyijan û şarî reyde roşan bimbarek kerd. Bimbarekkerdişê roşanî Rêxistina DEM Partî ya Adana de ame kerdene. Temsîlkarê partîyanê sîyasîyan û rêxstinanê komelê sîvîlî yê bajarî û şar tewrê ci bi.

Hatimogullari bale ante çarsernêkerdişê meseleya kurdan ser û qala ''tîtikanê şerî'' yê îqtîdarê AKPyî kerd.

Tulaye Hatimogullari bale ante qirkerdişanê ke Fîlîstîn de yenê kerdene ser û vera polîtîkayanê şerî hêrsê xo ar ziwan.

Tulaye Hatimogullari ard ziwan ke şar şerî nêwzeno û vat: ''Ganî na cografya de vengê çekan bêro birnayene. Na cografya de wa muslumanî gonîya yewbînan merişnê. Ma hêvî kenê Tirkîya de do heme şarî û bawerîyî bieşkê bi ziwan, nasname û îbadetê xo biciwîyê û bi eşkê bi ziwanê xo yê dayîke perwerde bivînê.''

Tulaye Hatimogullari vat, ''Ma nê roşanî de hêvî kenê ke wa berê dîyalogî yê semedê çareserkerdişê meseleya kurdan bêrê akerdene û tecrîd bêro wedaritene.''