Hemsereka Pêroyî ya DEM Partî Tulaye Hatîmogullari qezaya Pirsûsî ya Riha de şarî reyde ameye têhet. Şarî bi vilan hemsereke û heyetê ci pêşwazî kerdî û bi konvoyan berdî merkezê qeza.

Hemsereke Tulaye verê buroyê weçînayîşî de qisey kerd û vist vîrî ke Riha de 17 endamê înan tepişîyayê. Hemsereke vat: ''Pirsûs xeta têkoşînî ya. Ê do bi tepiştişan nêeşkê ma bêveng bikerê. Ma dî ke dewlete senî Pirsûsî ceza kena, rayîranê ci nêvirazena û vurnena çolî. Şarê Pirsûsî do cewabê înan sindoqan de bido.

Ma do Şaredarîyanê Pirsûs û Riha de ser bikewê. Ganî qet yew kurd/e raya xo nêde AKPyî. AKP herêmanê ke bi rayan nêeşkeno bigêro keno ke bi weçînitoxanê sexteyan bigêro. La xîretê înan pûç o.''

Tulaye Hatîmogullari dima esnafî zîyaret kerdî.