Hemsereka DEM Partî Tulaye Hatîmogullari derheqê reşkerdişê qiseyanê xo de eşkerayîyêke daye.

Tulaye vat: ''Hêzê çewî do bi israrê ma yê haştîye û reşkerdişê qiseyanê ma nêeşko. Pêro xîretê ma seba haştîya rûmetêne yo.

Vizêr qiseyê ke mi Amed de vatbî hetê tayê organanê medya û medyaya dîjîtale de ameyî çewtkerdene, reşkerdene û seke 'mi tehdît kerdo' ameyê lansekerdene.

Yew eleqeyê qiseyanê mi bi nînan çin o. Ez nê prosesê girîngî de bi hesasîyetî û mesuldarî têgêrena. 

Ganî Tirkîya û Rojhelatê Mîyanênî de çareserîya meseleya kurdan û haştîye bêrê caardene. Ma tim zî îfade kerd ke seba ney destê ma ra çi bêro bikerê. Çareserîya haştîyane çareya pêro rijîyayîşan a. 

Ma partîyêka winayêne yê ke hol zanenê ke bi ziwanê tehdîtî çîyêk çareser nêbeno. Meseleya ma ya esase na ya ke seba çareserîya demokratîke û haştîyane gamê girîngî bierzîyê.''