Nobetê Edaletî seba azadîya Rayberê Şarê Kurdî Abdullah Ocalanî dewam kenê. Amed de Hemsereka DEM Partî Tulaye Hatîmogullari Nobeta Edaletî zîyaret kerde. Wekîlê DEM Partî Adalete Kaya û Halîde Turkoglu, namzedê Şaredarîya Amedî yê DEM Partî û aktîvîstê TJA zî tewrê zîyaretî bîyî.

Hemsereka DBPyî ya Amedî Sultane Yaray zîyaret de ard ziwan ke heta ke tecrîd nêqedo tedayê serê komelî nêqedîyenê.

Hemsereka DEM Partî Tulaye Hatîmogullari zî zîyaret de qisey kerd û pare kerd ke ê wazenê meseleya kurdan bi demokrasî çareser biba la îqtîdar şer wazeno. Hemsereke vat: ''Kurdî teyna weçînayîşan de yenê vîrê ê bînan. La nê welatî de raştîya meseleya kurdan est a. Seba ke çareserîya meseleya kurdan bêra caardene ganî ancî prosesê dîyalogan dest pêbikero. 

Ma zanenê ke CPT ameyo Tirkîya û şîyo Îmrali. La heta nika CPTyî raporêkê xo zî eşkera nêkerd. Sere de CPT ma venga pêro rêxistinanê komelê sivîlî danê ke seba çareserîya meseleya kurdan têbigêrê û verê tecrîdî bigêrê. Seba ke tecrîd wedarîyo ma venga her kesî danê ke wa seferber bibo.''

Dayîke Halîme Topuz zî zîyaret de îfade kerd ke ganî cade Rayberê Şarê Kurdî de pêvînayîş bêro kerdene û heta waştişê înan bêro caardene ê do nobete rê dewam bikerê.