Hemvervatoxê Komîsyonê Zîretî yê DEM Partî Ridvan Turanî Wan de tewrê sempozyumê 'Xelisnayîşê Ameyoxê Zîretî û Xida' beno, ANFyî rê polîtîkayê zîretî yê welatî ercnayî.

Turanî bale ante ser ke îqtîdarê AKP-MHPyî îlan kerd ke baxçeyê ke di serran nênê ramitene do bêrê kirakerdene. Turanî vat: ''Îqtîdar bi nê hawayî baxçeyanê şarî pêşkêşê sermayedaran keno. Tîya de perso esas no yo; Gelo çira di serran citkarî nêeşkenê axpînanê xo biramê? Kêmasîyê îqtîdaî nênê dîyene. Îqtîdarî çim verdayo axpînanê şarî ke xesp bikero.''

Turanî vist vîrî ke Erdogan û Wezîrê Karanê Zereyî Alî Yerlîkayayî îdîa kerd ke 'daristan û wareyê welatî qedexe nîyê, her kes eşkeno şoro ci.' Turanî vat: ''2018 de wextê qedexeyan de qaşo qedexeyî wedarîyabî. La qedexeyî dewam kenê.''