Hemsereka Pêroyî ya DBPyî Keskîn Bayindirî û namzedê Şaredarîya Mêrdînî yê DEM Partî Ahmet Turkî qezayanê Êlihî de kombîyayîşê şarî kerdî.

Girseyî hêverî Kanîya Hênê zîyaret kerde. Şarî bi sloganan girse pêşwazî kerd. Tîya de Ahmet Turkî xîtabê şarî kerd û vat: ''Ma do pîya weçînayîşanê 31ê adare de ser bikewê.  Şarê kurdî seba yewîya xo bedelê giranî dayî. Ma xîret kenê ke bibê layîqê şarê xo. Bêrê ma pîya têkoşîn bikerê.''

Keskîn Bayindirî zî ard ziwan ke ê do ganî pîya meseleyanê xo çareser bikerê û vat: ''Ma sey keyeyêkî yê. Ma mudeya serkewtiş, wayûbiratî yê. Ma do pêro îmkananê xo seba Êlihî bişuxilnê.''

Heyetî dima bajarekê Avîsk û qezaya Qûbînî zî zîyaret kerdî. Qiseykerdişan ra dima şar û girseyî pîya govende girewte.