Hemserekê Komeleya Heqanê Merdiman (ÎHD) Ozturk Turkdoganî derheqê îdîayanê serê weşîya Rayberê Şarê Kurdî Abdullah Ocalanî de qisey kerd.

Turkdoganî pare kerd ke seba ke spekulasyonî biqedê ganî cade avûkatî û keye Îmrali de pêvînayîşêk bikerê. Turkdoganî vat: ''Na babete babetêka hesas a. Eke keye yan zî avûkatî Birêz Ocalan bivînê ez bawer a nê spekulasyonî qedîyenê. Dozgerîya Bursa derheqê mesele de eşkerayîyêke daye la qîm nêkena.''

Turkdoganî da zanayene ke senî ke CPT bêxebere eşkeno Îmrali zîyaret bikero ganî ÎHD zî bieşko şoro ci la selahîyetdarî destûrê ney nêdanê. Turkdoganî ard ziwan ke Tirkîya hewceyê proseskê neweyî yê çareserî ya û Abdullah Ocalan muxatabê meseleya kurdan o.

Turkdoganî vat: ''Birêz Ocalan ganî cade avûkatanê xo bivîno, birayê xo bivîno û rayaumûmîye derheqê mesele de bêra agahdarkerdene. Îqtîdar polîtîkayanê şaşan ano ca, pêro probleman ganî pê dîyalogan çareser bikero.''