Hetkarê Hemserekanê Pêroyîyan ê HDPyî yê Huqûq û Heqanê Merdiman ra Berpirsîyar Umît Dedeyî derheqê amadekarîya qanûnê bingeyî yê neweyî yê AKP-MHPyî de qisey kerd.

Dedeyî ard ziwan ke vernîyazê MHPyî de yeno waştene ke selahîyetê Serekkomarîye bêro sînorkerdene û ê Meclîsî bêro zêdînayene. Bi nê hewayî MHP do AKPyî zêdêr muhtacê xo bikero û xo rê pozîsyonêkê weşî peyda bikero. Yanî no vernîyaz netîceya pêkerdişê înan ê nimiteyî yo.''

Dedeyî bale ante ser ke AKP-MHP bi sereyê xo nêeşkenê qanûnê bingeyî amade bikerê, kursîyê înan qîm nêkenê. Dedeyî vat: ''Ê zî zanenê ke paştgîrê înan nêmendî. Îqtîdar wazeno pê wedaritişê heqê destpanêdayîşê wekîlan û vurnayîşê qanûnê bingeyî dezgehê hukmî bi temamî bikero binê kontrolê xo. Vernîyazê AKP-MHPyî wazeno hîşmendîya yewrenge bîyaro ca û cuya merdimen bikero jehr.''

Dedeyî îfade kerd ke AKP-MHP wazenê hêvîya demokrasî û haştîye bi temamî çin bikerê û vat: ''Seba qanûnê demokratîkî ganî azadîya fikran  astêka berze de bêra caardişene û têna ê Meclîsî nê pêro partîyî, rêxistinê komelê sivîlî, akademîsyenî, rayaumûmîye tewrê nîqaşan bibê. La heyf ke nika atmosferêko winasên o azad  çin o ke qanûnê bingeyî yê neweyî ser o nîqaş bêro kerdene.