Paradîgmaya Modernîteya Demokratîke ya Rayberê Şarê Kurdî Abdullah Ocalanî  rê çend şino eleqeya akademîsyen û zanyaran ê dinya zêdîyena. Unîversîteya Lugano de bi hetê Komeleya Newe ra Ronayîşê Kobenê û CDK-Syî ra Konferansê Medenîyetê Kapîtalîstî ame organîzkerdene. Zanyarê Swîsre û Îtalya tewrê konferansî bîyî.

Fîlozof-Nuştox Rino Melinconice, endamê Înîsîyatîfê Ocalanî rê Azadîye yê Swîsre Prof Franko Cavalli, Dr. Beppe Savary û Ahmet Yaman sey qiseykerdoxan tewrê konferansî bîyî. Moderatorîya konferansî Rojnameger Francesco Bonsaverî kerd. Konferans de Kitabê ''Manîfestoyê Medenîyetê Demokratîkî'' yê Rayberê Şarê Kurdî Abdullah Ocalanî bi nameyê ''Medenîyeto Kapîtalîst: Dewrê Homayanê Bêmaskeyan û Qiralanê Rûtan'' o ke açarîyayo îtalyankî dîya naskerdene.

Prof. Franko Cavalli  bale ante muhîmîya Şorişê Rojawanî ser û semedê wayîrvejîyayîşê Rojawanî veng da. Dr. Beppe Savaryî zî hêrişê dewleta tirke yê vera kurdan vist vîrî, azadîya Ocalanî sey haştîye hesibna û vat senî ke Mandela bi azad ganî Ocalan zî bibo azad. Ahmet Yaman zî ard ziwan ke Rayberê Şarê Kurdî Abdullah Ocalan rixmê şertanê tecrîdê giranî semedê heme şaran îdeolojîyêke aver berde û vat ganî bêrê Îmraliyî bêrê akerdene. Filozof-Yazar Rino Melinconice ard ziwan ke ê heme kitabê Abdullah Oclanî bi baldarî wendî û vat paradîgmaya ey raşta zî şaranê bindestan xelisnena.