Hemserekê TUHAY-DERî yê Wanî Çetin Uyarî derheqê polîtîkayanê tecrîd û çokdayîşî yê ke demê peyênî de serê Rayberê Şarê Kurdî Abdullah Ocalan û tepişteyanê sîyasîyan de yenê caardene ANFyî rê qisey kerd. Uyarî veng da şarî ke wa semedê zîndanan hîsgêr bo.

Uyarî vist vîrî ke Abdullah Ocalan 25 serrî yo binê tecrîdê giranî de yo û vat, Hîrê serrî yo keyeyê xo zî nêvîneno. Ma semedê weşîya Birêz Ocalanî qesawet kenê. Gerek helêkê cuwa ver pêvînayîş bêro kerdene. Ma veng danê Wezîrîya Edaletî; tecrîdî biqedînê. Şarê kurdî bi 6 mîlyon îmzayan  Abdullah Ocalan sey îradeyê xo yo sîyasî qebul kerd. Şar wazeno îradeyê xo ra xebere bigêro. Tecîrê serê Abdullah Ocalanî heme zîndanan ra vila bi. Pîya bi tepişteyanê sîyasîyan tepişteyê nêweşî zî binê tecrîdê giranî de yê. Heqê tepişteyanê sîyasîyan ê telvîzyon û rojname destê înan ra ameyo girewtene. Bitaybetî binê nameyê cigêrayîşê barî de îşkence yeno kerdene. Ma îdareyê zîndanî û Wezîrîya Edaletî hîşyar kenê, destê serê tepişteyanê sîyasîyan ra biancê. Zereyê zîndanî de zîndanî medê ciwîyayene. Nika tîpê Syî vetî. Wezîrîya Edaletî nika zîndanan de sûc kena. Gerek cade şertê zîndan goreyê qanûnan bêrê bedilnayene. Wa şarê ma zî vera rewşa zîndanan hîsgêr bo.”