Bi wesîleya Roşanê Remezanî Vakurê Kurdîstanî û Tirkîya de gorê şehîdan û keyeyê tepişteyan ameyî zîyaretkerdene.

Îstanbul

Qezaya Sultangazî de goristanê Gazîyî de bi beşdarîya ANYAKAY-DER, MATUHAY DER, îdarekar û endamanê DBP û DEM Partî gorî ameyî zîyaretkerdene.

Zîyaretan ra verê cu Cemxaneyê Gazîyî hetê polîsan ra gêrîya binê ablûqa. Hemsereka DEM Partî ya Îstanbulî Gonca Yangozî serê goran de xoverdayîşê tepişteyan selam kerd.

Colemêrg

Îdarekaranê DEM Partî Goristanê Serê Solan zîyaret kerd. Gever de zî gorî ameyî zîyaretkerdene û dima zî hemşaredaran roşanê şarî pers kerd.

Adana

Serkêşîya ANYAKAYDER û AATUHAYDERî de keye û merdimê tepişteyan ameyî zîyaretkerdene. Merdimanê tepişteyan ra Sîyasîye Arslan da zanayene ke kênaya ci Fatma Arslan seba azadîya Rayberê Şarê Kurdî Abdullah Ocalanî zîndan de çalakîye de ya.

Mersîn

Serkêşîya Çukurova TUAY-DER û ÇUTUAY-DERî de keye û merdimê tepişteyan ameyî zîyaretkrdene.