Cornelia Ganten-Langeya ke şaristanê Hamburgî yê Almanya de avûkatîye kena û pê nasnameya xo ya aktîvîste zî şinasîyena serra 2009î de eyaletê meclîsî de pê rayanê zêdêran seba dadgerîya Qanûnê Bingeyî amebî weçînayene. Serra 2015î de wezîfeyê ci qedîyabi û reyna pê reyanê zêdêran seba wezîfe amebî weçînayene.

Cornelia Ganten-Lange bîye hedefa kampanyaya reşkerdişî ya ke rojnameyê Die Weltî rayberîya kampanya keno. Rojnameyê Die Weltî têkoşînê Cornelia Ganten-Lange yê seba şarê kurdî û heqanê merdiman kerd bahane û îdîa kerd ke 'a çepgîrêka radîkal a.' Rojnameyî îfade kerd ke Cornelia Ganten-Lange serra 2013î de bîye avûkata Alî Îhsan Kitayî ke Kitay dewaya PKKyî ra yeno hukmkerdene û  2,5 serre cezaya zîndanî ci rê dîyaye.

Cornelia Ganten-Lange seba ke serranê 2011 û 2013î de seba kurdanê Almanya şêwirmendîya huqûqî kerde, tewra çalakîyanê Komeleya Azadîye bîye û tewra çalakîyanê Rote Hilfe (Hetkarîya Sore) bîye çalakîyê ci sey 'çalakîyanê radîkalan' ameyî hesibnayene.