Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde verê Edlîyeya Riha de nobeta edaletî kena. Şenyaşarî roja 246. a çalakîya xo de keyeyê xo de nobeta xo rê dewam kenê.

Emîne Şenyaşar ewro semedê tay qiseyanê ke nobete de vatê şîye îfade da coka tewra nobete nêbîye.

Roja 24. ya nobete de zî bi bahaneya 'heqaretê polîsan' îfadeyê dayîke Emîne amebi girewtene. Verî zî bi îdîaya 'Wekîl Yildizî rê heqaret' derheqê aye de dewa amebî akerdene. Reyna bi îdîayê 'Soyluyî rê heqaret, polîsan rê heqaret, karmendan rê heqaret' derheqê Emîne Şenyaşar de 3 tehqîqatî ameybî akerdene.

Keyeyî hesabê xo yê medyaya dîjîtale de Meclîs etîket kerd û vat: ''Dadîya ke semedê domananê xo bi israrî vana 'edalet' îfade dana la kiştoxî pawîyenê. Tirkîya û Meclîs nê zulmî seyr kena.''