Pê armancê vergirewtişê hêrişanê îşxalî yê dewleta tirke yê vera Başûrê Kurdîstanî hetê rojnameger û kesayetanê bînan ra medyaya dîjîtale ser o kampanyaya îmzayan dîyaye destpêkerdene.

Kampanya perey dest pêkerde û heta nika 500 îmzayî arê dîyayî. Îmzayî do temsîlkaranê welatanê dinya rê bêrê teslîmkerdene.

Eşkerayîya kampanya de venga Sekreterê Pêroyî yê Neteweyanê Yewbîyayeyan Antonio Guterres, Sereka Meclîsê Temsîlkaran ê Amerîka Nancy Pelosi, Serekê Amerîka Jeo Bîden, Serekkomarê Iraqî Berhem Salih, Serekê Meclîsê Wezîran ê Iraqê Mihemed Helbûsî, Serekê Serekwezîrê Iraqî Mustefa Kazimî, Wezîra Teberî ya Amerîka Antony Blînken, Sereka Komîsyonê Ewropa Ûrsûla Van Der Leyen, Emîrdarê Komkara Ereban Ehmed Ebulxeyt, Serekê Herêma Kurdistanî Nêçîrvan Barzanî û Sereka Parlementoya Herêma Kurdistanî Rêwaz Fayîq yeno dayene.

Eşkerayîye de wina yeno vatene: ''Goreyê Serekê Tirkîya armancê nê hêrişan vergirewtişê PKKyî yo la armanco raştikên îşxalê Başûrî yo. Tirkîya 1983î ra nata hêrişê Başûrî kena. Nê hêrişan de sivîlî mirenê û zerar reseno mal û mulkê sivîlan ser.''