Roniştişo 2. yê dewaya vera Hemsereka KCDyî ya tepişte Leyla Guven Mehkemeya Cezaya Girane ya Amedî de ame kerdene.

Leyla Guven bi rayîrê SEGBÎSî tewrê roniştişî bîye. Avûkatê Guvene Serdar Çelebî zî beşdarê roniştişî bi. Serekê mehkeme pare kerd ke înan waştişê ''redkerdişê dadgerî'' red kerdo. Roniştiş de eşkera bi ke Serdozgerîya Komare ya Anqara vera Leyla Guven bi îdîaya ''propagandaya rêxistine'' îdîanameyêko newe amade kerdo û  no dosyaya dewa de kerdo yew. Roniştiş taloqê 11ê nîsane ame kerdene.