26ê Têşrîna peyên a 1993î de hukmatê Helmut Kohlî qedexeyê PKKyî îlan kerdbi.  Qedexeyo ke keweno serra 25. Hetê kurdan û hetanê demokratan ra bi  aktîvîteyanê cîya- cîyayan yeno protestokerdene.

Nê aktîvîteyan ra yo tewr muhîm zî paytext Berlîn de 1ê Kanûne de do bêro viraştene. Xeylî sazîyê sîvîlî, merdimê zanaye, akedemîsyen, huqûqkar, parlamenter, rojnameger û pawitoxê heqanê merdiman çalakîyêka hempare organîze kenî. Çalakî û mîtîngo ke do bi sloganê ‘‘waştişê azadîye nêno qedexekerdene - vera qanûnê polîsan, qedexeyê PKKyî û nîjadperestîye mucedeleyo hempar‘‘ bêro viraştene, hadreyîya înan destpêkerd.

Organîzetoranê aktîvîte bi eşkerayîya hempare da zanayene ke qedexeyê PKKyî cuya şarê kurdî ser û bin kerdo û wina veng da:

KOMELÊ ALMANYA QEDEXEYÎ QEBÛL NÊKENO

‘‘ Hukmato federal ganî cade qedexeyê PKKyî wedaro. Eşkera yeno zanayene ke komelê Almanya zî nê qedexeyî qebûl nêkeno. Hem wextê Kobenê de hem zî protestoyanê G20î yê Hamburgî de ma dî ke xeylî heqî dîyayî polîsan. 1ê Kanune de ma vejîyenê kuçeyan û paşgêrîya Almanya yê Tirkîya protesto kenî.

Rayîrraşîyayîşo ke 1ê Kanûne de saet 12.00 de  meydanê  Alexanderplatzî de do dest pê bikero xeylî hetê demokrasî tewrê ci benî û yeno pawitene ke grûbê femînîst û antî- faşîst zî tewrê ci bibî.‘‘

Çalakî do bi vengdayîşê nê sazî û kesan bêro viraştene.

Dr. Gisela Pentekere (Berpirsyara Tirkîye ya IPPNW'î), Ulrich Hartig, nuştox Dario Azzellini, Heinz Rolle, nuştox Murat Çakir, Gefangenen-Gewerkschaft / Bundesweite Organisation, Interventionistische Linke, Kampagne TATORT Kurdistan, Partiya Cinîya Femînîste, Judith Dellheim, Okonomin, Komela Azadî, MAF-DAD, Cenî, Professor Peter Ott, Kerem Schamberger, rojnamevan Markus Bernhardt, Parlamentera Partîya Çepî ya Thurîngenî Kati Engele, Franziska Buchle, Komela Rote Hilfe, Antifaschistische Aktion Luneburg, Silvia Hauffe, Heinz Jurgen Schneider, Metin Guler, Axel Oswald, Franz Spindler, Parlamentera Partîya Çepî Ulla Jelpke, Jurgen Repschlager, linksjugend’solid Berlin, Dr. Nesmil Ghassemlou, Parlamentera Partîya Çepî Gokay Akbulute, Vervatoxa Partîya Çepî ya NRW'î Inge Hogere, Dr. Nikolaus Brauns, Dr. Norman PAECH, Parlamentera Partşya Çepî Sylvia Gabelmanne, Christian Katz, Dr. Muriel González Athenas, Koma Xebata Berlînî ya Komela Rote Hilfe, rojnameger Marcus Staiger, Komela Hetkarîya Macîran ya Cuxhavenî.

Reyna nê sazîyan zî paşt dayo aktîvîte:

Merkezê Komelê Demokratîkî yê  Kurdan ê Almanya (NAV-DEM), Yewîya Wendekaran a Kurdîstanî (YXK), Dostê Têgêrayîşê Cinîyan ê Kurdan yê  Braûnschweîgî, Komîteya Paştdayîşî ya Kurdistanî ya Kîelî, Têgêrayîşê  Ciwanan ê Bonnî, kampanya femînîstî ya bi nameyê ‘‘Mucadeleyo hempar‘‘ rojnameger Joachîm Legatîs û Grûbê Xebata Kîelî ya Rote Hilfe."