Kampanyaya îmzayan a ke  seba ke PKK mîyanê 'lîsteya terorî' ra bêro vetene dîyaye despêkerdene vila bena. Vizêr xeylêk şaristananê Ewropa de vera qedexeyê serê PKKyî îmzayî arê dîyayî.

Paytextê Îngilîstanî London de aktîvîstanê TCŞ û TÊKO-JINî Londra School of Ecomocis de standêk akerd û îmzayî arê dayî. Ciwanan stand de derheqê kampanya de agahîyî dayî, broşurî vila kerdî.

Şaristanê Monchengladbachî yê Almanya de zî aktîvîstanê TCŞ û Yewîya Cinîyan ê Kurdan a Almanya vera qedexeyê serê PKKyî standêk akerd û îmzayî arê dayî.

Şaristanê Saarbruckenî yê Almanya de zî rayberîya Meclîsê Cinîyan û Meclîsê Herême de standêk ronîya û îmzayî arê dîyayî. Stand de fotografê Rayberê Şarê Kurdî Abdullah Ocalanî ameyî daliqnayene.