Kurdan û dostanê înan vera tecrîdê serê Rayberê Şarê Kurdî Abdullah Ocalanî vizêr bajarê Strasbourgî yê Fransa de, verê bînaya Parlamentoyî ya Konseya Ewropa de çalakîya hîrê rojan daye destpêkerdene. Çalakîye roja dîyine de bi grûba ke Almanya ra ameye, dewam kena.

Çalakîye hetê endamanê federasyonê FED-GEL û FCDK-KAWA yê ke Almanya ra ameyî, ra yena domnayene. Teber de çalakîya yena kerdene û zereyê partlamentoyî de zî heyetê HDPyî, Heyetê Cinîyan ê Mîyanneteweyî yê Abdullah Ocalanî rê Azadîye û avûkatî temsîlkaranê partîyanê sîyasîyan reyde pêvînayîşan kenê.

Çalakîya ke rixmê serd-sipirî dewam kena, siba do bi eşkerayîya çapemenîye biqêdîyo.