Vervatoxa DEM Partî Ayşegule Dogan derheqê rojdemî de merkezê DEM Partî de kombîyayîşê çapemenîye viraşt.

Qiseykerdişê Ayşegule Dogan ra qismê girîngî wina yê:

''Çend serran ra nata metodê qeyûmî sey mudaxeleyî şuxilîyeno. La merdimî war nêverdanê, do war nêverdê. Ê vanê ke bedelê ci çi beno wa bibo, do war nêverdê. Ê qeyûman ney demokrasîyî wazenê. La şima hem îradeyê merdiman rê qeyûman tayîn kenê hem zî merdiman bi îşkenceyî çalakîyan de destbend kenê.

Bi rojan o kuçeyan de vera çalakîkeran şîdet est o. Heta ewroyî bi rayîrê metodan çîyêk nêvisîya destî. Qeyûmî nameyê bêusûlî û xespê îradeyî yê. Ma prosesê çareserîye de bi zelalî têgêrayî. Ma do ancî weçînayîşan de ser bikewê û nêverdê ke şima şaredarîyanê ma pêşkêş bikerê. 

Bahçelîyî venga Birêz Ocalanî da ke goreyê ma no vengdayîş girîng o. Na babete de tewirê ma zelal o. DEM Partî vana ke vengê Birêz Ocalanî nêno ma; tecrîd dewam keno. Ma sey DEM Partî vat ke ma amade yê. KCKyî zî vat ke 'Eke şertî munasîb bê ma amade yê.' La rayaumûmîye rê pêşnîyazê çareserîye nênê vatene. Şiroveyê sey 'DEM Partî çîyê lazimî nêkena' est ê. La ma îqtîdar nîyê. Îqtîdar eşkeno tecrîd wedarno.

Ma seba dîyalogan û çareserîye amade yê. La gelo dewlete amade ya? Birêz Ocalanî zî vat ke o amade yo. O çax ganî çîyo hewce bêro kerdene.

Wezîrîya Karanê Zereyî derheqê qiseykerdişê ci de vera Hemserekê ma Bakirhanî de karo huqûqî dayo destpêkerdene. Qiseyê Birêz Tuncer Bakirhanî qestî ra yenê çewtkerdene. Birêz Bakirhan wina vano; Ma do vera xespkerdişî xora heqê protestokerdişî bişuxilnê û têkoşîn bikerê.''