Wezîrîya Karanê Zereyî ya Tirkîya pare kerd ke Şaredarîyanê Amed û Mêrdînî rê mufetîşê mulkîye erşawitê.

Vervatoxa DEM Partî Ayşegule Dogan derheqê babete de eşkerayîyêke daye û vera Wezîrê Karanê Zereyî Alî Yerlîkayayî nêrazîbîyayîşê xo mojna.

Ayşegule Dogan îfade kerd  ke çimeyê şarî seba îdîayanê bêbingeyan xerc benê û vat: ''Ma zanenê ke rixmê eşkerayîyanê hemşaredaranê ma zî tayê kesî bi nê îdîayan bawer kenê. Ma pêşnîyaz kenê ke çimeyanê umûmîye seba xîretanê pûçan xerc mekê.''