Şaredarê verênî yê paytextê Danîmarka Kopenhagenî Villo Sigurdssonî zî seba ke PKK 'lîsteya terorî' ra bêro vetene îmza dabî. Villo Sigurdsson serra 1944î de Tehran de dadîya ra bîyo û ronayoxê Solidarisk Alternativ o . Villo Sigurdssonî ANFyî rê qisey kerd û ard ziwan ke PKK têgêrayîşêkê azadîye yo.

Villo Sigurdssonî îfade kerd ke ganî PKK sey têgêrayîşêkê azadîye yê çekdarî bêro pênasekerdene û vat: ''Ye eleqeyê têkoşînê mabênê PKK û artêşa tirke bi terorî çin o. Seba ke Tirkîya endama NATOyî ya PKK mîyanê lîsteya terorî de ameyo cakerdene.  PKK Asya, Afrîla, Amerîkaya Başûre, Avusturalya, Kanada û Meksîka de sey terorîstî nêno dîyene. Têna Tirkîya Amerîka û Yewîya Ewropa PKK sey terorîstî pênase kenê.

Şertanê tewr girîng û verênen ê haştîya Rojhelatê Mîyanênî ra yew zî 'lîsteya terorî' ra vetişê PKKyî yo. Heta ke PKK mîyanê na lîste de bibo têkoşîn û heqê kurdan zî do bêrê krîmînalîzekerdene. Ganî dezgeh û rêxistinê komelê sivîlî seba ke PKK tewrê cuya sîyasîye bibo bixebitê. Ganî tecrîdê vera Abdullah Ocalanî bêro wedaritene. Ganî dezgeh û rêxistinî na babete de zî rol û wezîfeyê xo bîyarê ca.''