Babeta ekolojîya komelkîye de Murray Bookchin kesêko namdar o. Fikrê Bookchinî warê sîyaset û felsefe yê ewroyînî de wayîrê rolê pîlî yê. Bookchinî mergê xo ra verî Rayberê Şarê Abdullah Ocalanî reyde bi mektuban têkilîya ronabî. Bookchinî hetê teorî ra tesîrê Abdullah Ocalanî kerdo.

Aktîvîstê ekolojî û tarîxnas Vincent Gergerî derheqê babete de ANFyî rê qisey kerd. 

Gerberî pare kerd ke Rayberê Şarê Kurdî Abdullah Ocalan binê tesîrê fikranê Bookchinî de mendo û vat: ''2004 de înan yewbînan rê mektubî şawitî. Mabênê înan de têkilîyêka sîyasîye est bîye. Medenîyetêko azadîgir fikrê Bookchinî yo. Ocalan binê tesîrê nê fikrî de mendo. Xora hetê pratîkî ra fikrê Ocalanî tayê cîya yê. La ma Rojawanê Kurdîstanî de nimûneyêka nê fikran vînenê. Fikranê Bookchinî Şorişê Rojawanî de xo mojnayo ra.''

Gergerî derheqê paradîgmaya Konfederalîzmê Demokratîkî ya Ocalanî de wina vat: ''Paradîgmaya Ocalanî hêzêkî temsîl kena. Ocalanî bi na paradîgma kerdo ke şarê kurdî û pêro şarî bieşkê bi ziwan, kultur û bawerîyan xo îfade bikerê. Goreyê Bookchinî zî armancê demokrasîyî no yo. Hinî modelê dewleta netewe û demokrasîyê temsîlîyî bêçare yê. Teorîyê Abdullah Ocalanî û Bookchinî vera kapîtalîzmî vejîyenê û seba ameyoxî modelêkê neweyî pêşkêş kenê.''

Gergerî hêrişê dewleta tirke yê vera Rojawanê Kurdîstanî vistî vîrî û vat: ''Ganî ma paştî bidê Şorişê Rojawanî. Ganî ma bi Ewropa bidê qebulkerdene ke PKK rêxistinêka terorî nîya. Ganî PKK set rêxistinêka xelisnayîşî bêro dîyene.''

Gergerî tecrîdê vera Rayberê Şarê Kurdî şermezar kerd û vat: ''Ocalan tepişteyêko sîyasî yo tecrîdê vera ey nêno qebulkerdene. Ganî tecrîdê vera Birêz Ocalanî bêro wedaritene û ey de pêvînayîşî bêrê kerdene.''

Vîncent Gerger di dawiya axaftina xwe de bal kişand ser hêvîbexşiya Rojava û axaftina xwe bi van gotinan bi dawî kir: ‘’Têkildarî Rojava ez dixwazim çend tiştan bînin ziman. Çi dibe bila bibe ji bo pêşerojê li Rojava tiştên girîng ên serkeftî hatine pêkanîn. Tiştekî pir mayînde û hêvîbexş hatiye kirin. Şoreşeke civakî hate kirin û pêşeroja welat her çawa jî be wê rastiya vê yekê tim xwe nîşan bide. Ji bo berdewamkirina wê û pêşeroja wê jî ez silavên xwe li gelê Kurd û Rojava dikim û serkeftinê dixwazim.’’