Paytextê Avusturya Viyana de resepsîyonê Newroze bi coşî ame kerdene. Xeylêk sîyasetmedar,  hunermend, sendîkawan û kesayetê namdarî tewrê resepsîyonî bîyî.

Ancî Wekîla SPOyî Şafake Akçay, Endamê Meclîsê Neteweyî yê SPOyî Harald Troch, Endamê Parlamentoyê Ewropa Andreas Schieder û Serekê Koma Çepgîran a Ewropa Walter Baier zî tewrê resepsîyonî bîyî.

Qiseykerdişan de qalê  mana û  girîngîya Newroze ame kerdene. Qiseykeran ard ziwan ke seba ke meseleya kurdan bêra çareserkerdene ganî Rayberê Şarê Kurdî Abdullah Ocalan bêro azadkerdene.

Resepsîyon de pêramotişê resiman ê hunermende Zehra Dogan ame mojnayene. Hunermend Rizgar Akanî resepsîyon de deyîrî vatî û beşdaran pîya govende girewte.

Roja pancşemeyî zî şaristan de şayîya Newroze do bêra kerdene.