Bi nameyê Grûba Parlamentoyî ya Têgêrayîşê Sere Çewtnêkerdeyan derheqê Qirkerdişê Parisî de eşkerayîye ameye dayene.

Eşkerayîya ke bi sernameyê ''Wextê ci yo ke Fransa sirê dewlete wedaro'' ameye kerdene de nê ameyî parekerdene.

''9ê çeleyê 2019î de Merkezê Erformasyonî yê Kurdîstanî yê Paris de hîrê aktîvîstê kurdî ameyî kiştene. Sakîne Cansiz Fransa de wayîrê statuyê multecîyan bî, Fîdane Dogan heqê ci yo fermî yê roniştişê Fransa bibi û Leyla Şehylemez zî Almanya ra heqê ronişişê fermî girewtbi.

Nê cinîyî qelbê Parisî de ameyî înfazkerdene. Serekkomarê dewrî François Hollande û serekwezîrê ci nê sucê giranî sey 'dejê zaf pîlî' name kerdî.

Senî ke ma rewna zanê versîya Anqara serê 'plankerdiş û hazirkerdiş'  ê nê suîqestî de ya. Sazîyanê tirkî hetkarîya dozgerî û  sazîyê ke berpirsîyarê cipersayîşî yê nêkerd. Rixmê pekerdişan bitaybetî zî rixmê Pêkerdişê Ewropa yê Mucadeleyê vera Terorî yê Konseya Ewropa yo ke 27ê çeleyê 1977 de ame kerdene, înan semedê safîkerdişê cipêrsayîşî hetkarî nêkerd.

Înfazê Sakîne, Fîdane û Leyla heşt serrî xo dima verdayî la hema zî qirkerdişê nêameyo eşkerakerdene. Selahîyetdarê ma nêşinê Tirkîya ser ke a edaletê ma de hemkarîye bikero. Çapemenîya tirkî tewrbîyayîşê serwîsanê mîyanan ê tirkî (MÎT) 'tesîs' kerd.

Wextê ci yo ke welatê ma  sirê dewlete yê nê hîrê suîqestan wedaro û qirkerdişî eşkera bikero.

Wexto ci yo ke dewleta ma hînî vera dewletêka gonîwere bêveng nêmano.

23ê adare de xeylêk mîlîtanê kurdî ameyî tepiştene û komeleyê kurdan ameyî sereştene. Dewleta ma nêeşkena mucadeleyê kurdan sey sucî bihesbno û vera înan sey 'qolê çekdarî' yê rejîmê dîktatorîye têbigêro. Senî ke Marsilya de kerd.

Ma hewne paştdayîşê xo yê semedê mucadeleyê cuyedemendişî yê şarê kurdî anê ziwan û veng danê heme rêxitinanê sîvîlan û partîyanê sîyasîyan ke wa vera bêadeletîya ke kurdî Fransa de raştê ci ameyî nêrazîbîyayîş ramojnê.''

Nameyê ke eşkerayîye de îmzayê înan estê wina yê:

"M. Jean-Luc Mélenchon
Mme Clémentine Autain
M. Ugo Bernalicis
M. Éric Coquerel
M. Alexis Corbière
Mme Caroline Fiat
M. Bastien Lachaud
M. Michel Larive
Mme Danièle Obono
Mme Mathilde Panot
M. Loïc Prud'homme
M. Adrien Quatennens
M. Jean-Hugues Ratenon
Mme Muriel Ressiguier
Mme Sabine Rubin
M. François Ruffin
Mme Bénédicte Taurine."