Wan de 30 kesê ke wayîrê îradeyê xo vejîyayî ameyî tepiştene
Wan de 30 kesanê ke cehdkerdişê derbaya sîyasîye ya îqtîdarî ya vera şaredarî protesto kerd ameyî tepiştene.
Wan de seba ke mazbataya Hemşaredarê Şaredarîya Bajarê Pîlî ya Wanî Abdullah Zeydanî nêdîyaye ci û îqtîdarî cehd kerd ke şaredarîye xesp bikero şarî di rojî xoverdayîşo tarîxî rayra berdb û bi seyan kesî ameybî destbendkerdene.
260 kesê ke ameybî destbendkerdene bi sûcdarîya ''endamîya rêxistene'' û ''binameyê rêxistine çalakîkerdişî'' sewqê Dadgerîya Ceza Sulhî bîyî. Mîyanê destbendkerdeyan de 15 doman û 10 avukat zî est ê. Dadgerîye 2ê înan domanî derheqê 30 kesan de qerarê tepiştişî da.
