Eşkera bi ke Nêweşxaneyê Weşîya Dindan û Fekî yê Wanî de weşkerdişî ra verî 250 TL yeno girewtene. Serdoktorî cewab da muracatê nêweşêkî û serebût sey 'şaşîye' pênase kerd. Serdoktorî îdîaya 'pereyê bêusûlî' qebul nêkerde.
Nêweşxaneyê Weşîya Dindan û Fekî yê Wanî de skandalêk vejîya werte. Nêweşêko ke nêwaşt nameyê ci eşkera bibo îfade kerd ke nêweşxane de weşkerdişî ra verî ci ra 250 TL ame waştene û wexto ke makbuz waşt makbuz zî nêame dayene ci.
Nêweşî dima muracatê Mudirîyetê Weşîye yê Wanî û serdoktorî kerd. Serdoktorî nêweşî rê vat ke personelanê nêweşxaneyî wina yew şaşîtîye kerde û nêweş eşkeno pereyê xo apey bigêro. Nêweşî reyna bi waştişnameyî muracatê serdoktorî kerd û waşt ke serdoktorî zî bi waştişnameyê nuştekîyî cewabê nêweşî bido. Nêweşî da zanayene ke rîxmê pêro xîretanê ci nêweşxaneyî û Mudirîyetê Weşîye bi hawayêkê fermîyî cewab nêda ci. Nêweşî ard ziwan ke nêweşxaneyî zaf kesan ra bi nê hawayî pere girewt. Nêweşî ard ziwan ke o do na babete bido eşnawitene.
