Vera destsernayîşê Şaredarîya Colemêrgî ya DEM Partî Wan de çalakîya nobete dîyaye destpêkerdene. Çalakîya de ya ke baxçeyê Şaredarîya Bajarê Pîlî de yena kerdene, pankartê Ma destûr nêdanê qeyûmî, îradeyê şarî nas bikerî ame daliqnayene.

Hemserekê DEM Partî yê Bajarî Veysi Dilekçîyî ke nobete de qisey kerd vat: ''Qeyûm têna meseleya kurdan nîya. Ewro xeylêk metropolan de seba ke hemwelatîyî nêeşekenî îdareyê xo bikerî xo kişenî. Na huqûqîya vera kurdan do siba heme welatî ra vila bibo. Vervejîyayîşê qeyûmî yeno manaya wayîrvejîyayîşê ameyoxê qijanê ma.''

Dilekçiyî vat ê do ewro ra tepîya her roje mabênê saetanê 17.00-21.00  de verê Şaredarîya Bajarê Pîlî de çalakîya roniştişî bikerê.

Çalakîye de sloganê sey "Colemêrg ya me ye rûmeta me ye", "Qeyûmî do şirê, şar do bêro " ameyî vatene.

Reyne Îstanbul,Amed, Riha,Êlih,Mêrdîn Mersin û Adanda de çalakîyanê nobeta vera destsernayîşê Şaredarîya Colemêrgî nêrazîbîyayîş ardîya ziwan û ame vatene ke ê do bi têkoşînî ser bikewê.