Serekê ÇEV-DERî Alî Kalçik, Serekê Odaya Tabîban a Wanî Huseyîn Yavîç û Hemsereka Merkezê Cigêrayîşanê Koçî yê Wanî Hanîfe Guzel derheqê dewaya qefilnayîşî ya vera HDPyî de ANFyî rê qisey kerd.

Alî Kalçikî ard ziwan ke partîyê sîyasîyan ra nêbo demokrasî nêbena. Kalçikî vist vîrî ke HDP wayîrê 6 mîlyon rayan o û na dewa qet exlaqî nîya. Kalçîkî vat: ''No faşîzm o, vera kurdan o û înkarê kurdan o.''

Hanîfe Guzel vat: ''Na dewa nêna qebulkerdene. Ganî weçînitoxê AKP, MHP û CHPyî zî ney qebul nêkerê. Ma seba demokrasî û haştîye qerqilîyenê û venga hukmatî danê ke wa tewirê xp bimojno.''

Huseyîn Yavîçî vat: ''Ganî pêro dezgehî vera na dewa pîya têbigêrê. Verî zî partîyî qefilîyayî; netîceyê  ci werte de yê.''