Wekîlanê HDPyî Merale Daniş Beştaş û Oya Ersoy Zîndanê Kandira de Aysele Tugluk zîyaret kerde û da zanayene ke nêweşîya aye bena giranêr.

Beştaşe hesabê xo yê medyaya dîjîtale de vila kerd ke înan Aysele Tugluk zîyaret kerda. Beştaşe derheqê rewşa Tugluke de agahîyî dayî.

Beştaşe îfade kerd ke rewşa Aysele Tugluk hol nîya û a nêeşkena bi sereyê xo zîndan de bimana. Beştaşe vat: ''Ma zîyaret de dî ke nêweşîya Aysele bena giranêr û ma pê ney qehr bîyê. Aysele nêeşkena têna bimana û hewcedarîyanê xo yê rojaneyan peyda bikera. Ganî a cade bêra veradayene...''