Seba ke PKK lîsteya terorî ra bêro vetene kampanyaya îmzayan vila bena.  Roja çarşeme bajaranê Berlin, Dresden û Hannoverî yê Almanya de semedê wedaritişê qedexeyê serê PKKyî îmzayî ameyî arêdayene. Wekîlanê almanî zî paştî daye kampanyaya îmzayan.

Hemserekê FED-KURDî Kerem Gok, Hemsereka Komelê Demokratîkî yê Kurdan ê Dresdenî Ozleme Dogan, Vervatoxa Meclîsê Cinîyan ê Uta Fatma Han parlamentoyê eyaletî yê Dresdenî de partîyanê sîyasîyan de pêvînayîş kerd û semedê wedaritişê qedexeyê serê PKKyî îmzayî arêdayî. Wekîlanê parlamentoyî paştî daye kampanyaya îmzayan a semedê wedaritişê qedexeyî. Goreyê heyetê ke pêvînayîş kerd wekîlan Mirko Schultze, Marika Tändler-Walenta, Nico Brünlerî vat ê do wekîlanê bînan ra zî îmzayan bigêrê.

Berlin de zî hetê Meclîsê Cinîyan ê DEST-DANî  ra standê îmzayan ame akerdene. Çalakîye de hêrişê îşxalî yê vera Kurdîstanî û bêvengîya welatanê Ewropa zî ameyî şermezakerdene. Çalakwanan ard ziwan ke şarê kurdî têkoşînê estbîyayîşî keno û veng da welatanê Ewropa ke wa PKKyî lîsteya terorî vejê.

Hanover de zî semedê arêdayîşê îmzayan stand ame akerdene. Çalakwanan vat rîyê qedexeyê serê PKKyî ra kurdî yenê krîmînalîzekerdene û waşt ke wa no qedexe cade bêro wedaritene.