Emîne Şenyaşara ke mêrde û di lajê ci hetê merdimanê Wekîlê AKPyî yê verênî Îbrahîm Halîl Yildizî ra ameybî qetilkerdene Nobeta Edaletî rê dewam kena. 

Vizêr roja 97ine de wekîlanê DEM Partî Meral Daniş Beştaş, Omer Ocalan, Mahmut Dîncar û Zulkuf Uçarî Nobeta Edaletî zîyaret kerde.

Merale Daniş Beştaş zîyaret de  pare kerd ke Emîne Şenyaşar teyna edaletî wazena û ê sey DEM Partî tim hetê têkoşînê DEM Partî de yê. 

Merale Daniş Beştaş ard ziwan ke Wezîrîya Edaletî hema zî keyeyê Şenyaşaran de pêvînayîşêko raştikên nêkerdo û vat: ''Ez venga Wezîrê Edaletî Yilmaz Tunçî dana ke wa goş bido vengê na dadîye. A teyna azadîya lajê xo wazena. Ma hetê waştişê edaletî yê dayîke Emîne de yê.''