Serekwekîlanê Koma DEM Partî Gulistane Kiliç Koçyîgît û Sezaî Temellî zî tede wekîlanê DEM Partî derheqê tayînkerdişê qeyûman de  verê Wezîrîya Karanê Zereyî de eşkerayîyêke daye.

Gulistane tîya de vat ke îqtîdarê AKPyî  2016 ra nata vera îradeyê şarî darbe keno. Gulistane wina dewam kerd: ''Weçînayîşanê 31ê adare de şarî karta sûre mojnaye îqtîdarî. Aqîlê xo bigêrê xo sereyî, abigêrê demokrasî û huqûqî û îradeyê şarî rê hûrmet bikerê. Îqtîdaro ke fam kerd binî ra kursî şina îradeyê şarî rê darbe kerde. Qeyûmî sina do Îzmîr, Adana, Mersîn û Îstanbulî rê zî bêrê tayînkerdene. Wa na bêhuqûqîh biqeda.''

Temellîyî ard ziwan ke rejîmê qeyûman hêvîyê şarî yê seba demokrasî û haştîye çin keno û vat: ''Sîstemê Hukmatî yê Serekkomarîye eslê xo de  sîstemê qeyûman o. Ma tayînkerdişê qeyûman qebul nêkenê û vera ney têkoşîn kenê. Xesp, sûc û karê bêhuqûqî yê qeyûman werte de yê. Ferasetê tecrîdî 25 serran ra nata dewam keno. Ganî ma pîya vera tecrîd, qeyûm û her çîyê bêhuqûqî têkoşîn bikerê.''