Wendekara Zanîngehê Munzurî Gulîstane Doku 5ê çeleyê 2020î ra nata vînîbîyaye ya. Keyeyê Doku ya ke tira xebere nîna girewtene verê Edlîyeya Dêrsimî de dest pê çalakîya roniştişî kerd. Çalakîye roja 9. de ya.

Wekîlanê HDPyî Ebru Gunay, Feleknaze Uca û Alîcan Onlu û endamê Meclîsê Mayanê Haştîye semedê paştayîşî keyeyê Doku zîyaret kerd. Dayîka Bedrîye Doku semedê tepiştişê kiştoxanê kênaya xo veng da û waşt wa Engîn Yucer bêro muhakemekerdene. Babî Halît Doku zî vat heta heta tepiştişê kiştoxan çalakîya xo rê dewam bikerê. Wekîlanê HDPyî zî mesajê paştdayîşî dayî.