Wendekara Zanîngehê Munzurî Gulîstane Doku 5ê çeleyê 2020î ra nata vînîbîyaye ya. Keyeyê Doku ya ke tira xebere nîna girewtene verê Edlîyeya Dêrsimî de dest pê çalakîya roniştişî kerd. Çalakîye roja 7. de ameye domnayene.

Dayîke Bedrîye û babî Halît Doku pîya bi fotografanê kênaya xo Gulîstane Doku ameyî verê banê edlîye û aqibetê kênaya xo persayî. Endamanê Platformê Cinîyan Komeleya Heqanê Merdimanê Dêrsimî zî paştî daye çalakîye.