Parlamentera Federale ya Swîsre ya Partîya Sosyalîste Fehlmann Rielle Laurence derheqê tecrîdê vera Rayberê Şarê Kurdî Abdullah Ocalanî de vernîyazê bi serrnameyê 'Ganî ma lîderê kurdan tecrîdî ra vejê' pêşkêş kerd.
Parlamentera Federale ya Swîsre ya Partîya Sosyalîste Fehlmann Rielle Laurence 5ê gulane de derheqê tecrîdê vera Rayberê Şarê Kurdî Abdullah Ocalanî de vernîyazê bi serrnameyê 'Ganî ma lîderê kurdan tecrîdî ra vejê' pêşkêşê Meclîsê Federalî kerd.
Vernîyaz de ame vîrvistene ke Buroyê Huqûqî yê Asrinî derheqê weşîya Abdullah Ocalanî de eşkerayîye daye û Ocalan 2011î ra nata nêeşkeno avûkatanê xo bivîno.
Vernîyaz wina dewam keno: ''Ganî Konseya Federake seba wedaritişê tecrîdê Îmraliyî têbigêra. Konseya Federale seba bisînorkerdişê bazarîya bi Tirkîya xebatî kerdêne. Ganî Tirkîya derheqê babeta tecrîdî de bêra şîyarkerdene.
Avûkatanê ey tebaxa 2019î de pêvînayîşêk kerd labelê selahîyetê 'eşkerakerdişê pêvînayîşî' nêdîya avûkatan. Heman rewşe seba tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî zî derbazdar a. Çar merdimî zî bi serran o tecrîdkerde yê.
Sîstemê tecrîdî yê Îmraliyî vera huqûqê neteweyî û mîyanneteweyî yo, binpaykerdişê peymanan ê mîyanneteweyîyan o. Îmkanê Abdullah Ocalan zaf tay ê ke bieşko keyeyê xı bivîno. CPTyî zî gulana 2019î de Zîndanê Îmraliyî zîyaret kerd û pare kerd ke ganî hûrmet bêro mojnayene heqanê merdiman. CPTyî hukmatê tirkî şîyar kerd ke wa seba pêvînayîşê keye û avûkatan destûr bido.''
Vernîyaz hetê nê wekîlan ra ame îmzakerdene: Crottaz Brigitte Dandrès, Christian de la Reusille, Denis Fridez, Pierre-Alain Friedl, Claudia Funiciello, Tamara Gysi, Barbara Locher, Benguerel Sandra, Marti Min Li Molina, Fabian Munz, Martina Pillier Carrard, Valérie Prezioso Batou Stefania, Plut Jon, Schneider Schüttel Ursula.
