Wekîlê HDPyî yê Kocaelî Omer Faruk Gergelîogluyo ke wekîlîya ci hetê îqtîdarê faşîstî yê AKP-MHPyî ra xesp bîye û Meclîs de 'Nobata Edaletî' tepiştêne  saetanê serê sibayî de  Meclîs de pê zorî ame destbendkerdene.

Bi seyan polîsî ameyî Meclîs û Gergerlîoglu lavabo ra hela ke destmaj girewtêne pê zorî girewt û destûr nêda o nimaj zî bikero. Polîsan destûr nêda ke Gergerlîoglu kincanê xo piray bikero û hela ke nêrdîwanan ra şîyêne linga ci ra terlîk pera û tay mend bigino erd.

Dîya zanayene ke Serdozgerîya Komare ya Anqara derheqê Gergerlîogluyî de seba ke nobete tepişeno yewna dewaya newîye akerde, coka o ame destbendkerdene.

Cipêsayîş de ame îdîakerdene ke gama ke wekîlîya Gergerlîogluyî ameye wardayene û o pîya Grûba HDPyî Heyetê Rayberdişî ra vejîya teber slogana 'Wa biciwîyo Rayber Apo' eşta.

Bado ke Gergerlîoglu ame destbendkerdene û berdene asayîşî wekîlê HDPyî zî ey dima şîyî.