Wekîlanê HDPyî vera tecrîdê serê Rayberê Şarê Kurdî Abdullah Ocalanî ver bi Wezîrîya Edaletî rayraşîyayîşêk kerd. Wekîla HDPyî Ebruye Gunay, Feleknase Uca, Necdet Îpekyuz, Gulistane Kiliç Koçyîgît, Muazzeze Orhan, Abdullah Koç û Kemal Pekoz Berê Dîkmenî yê Meclîsî de ameyî astengkerdene û coka tîya de eşkerayîye daye.

Vervatoxa HDPyî Gunaye ard ziwan ke ayraşîyayîşê înan ameyo astengkerdene no zî asta tecrîdî eşkera keno. Gunaye vist vîrî ke înan verî zî bi desan reyî seba pêvînayîşê bi Abdullah Ocalanî muracat kerdo la cewab nêdîyayo muracatê înan. Gunaye venga Wezîrîya Edaletî da ke bêhuqûqîya zîndanan ra wezîrîye mesuldar a coka wa mesuldarîya xo bikera.

Gunaye vat: ''Wezîrîya Edaletî bi israrê tecrîdî sûc kena. Pêvînayîşê bi Birêz Ocalanî do xizmetê demokrasî, azadîye û haştîye bikero. Wa  Birêz Ocalan avûkatanê xo bivîno û tecrîd bêro wedaritene. Ma verî tecrube kerd ke wexto ke tecrîd wedarîya zemînê demokrasî û haştîye ronîya. Ma wazenê wa huqûq bêro caardene. Ma seba edaletî rayraşîyayîş kerdêne la ameyî astengkerdene. Ma reyna tîya ra veng danê ke cade seba pêvînayîşê bi Ocalanî game bierzê. Heta ke ma netîceyêke bigêrê Nobeta Edaletî rê dewam bikerê.''