Welatperwerê kurdê êzidîyî Hasan Akino ke bi nameyê Hepsûno şinasîyayêne, 2ê êlula 2020î de nêweşîya kanserî ra dinyaya xo bedilnaye.

Merkezê Komeleyanê Êzidîyan (NAV-SEK), Sîwana Meclîsanê Cinîyan ê Êzidîyan (SMJÊ) û Koordînasyonê Meclîsanê Dewanê Êzidîyanê Vakurî (KMGÊ) mesajo hempar ê serweşîye weşana. Mesaj de ame vîrvistene ke Akin serra 1984î de koçê Almanya kerd, şaristanê Bielefeldî de wextêkê dergî tewrê karanê Yewîya Êzidîyan bi.

Mesaj de wina ame vatene: ''Hepsûno merdimêko nefstebg, sade, kedkar, haştîwaştox bi. Hetkarîya her kesî kerdêne. Coka her kesî tira zaf hes kerdêne.''

Dezgehan keyeyê Akin, komelê êzidîyan û şarê kurdî rê serweşîye waşte.