Înîsîyatîfê Wendekaranê Azadan ê Antalya semedê wendekaranê ke Unîversîteya Akdenîzî de raştê hêrişî ameyî eşkerayîye daye.  Eşkerayîya ke verê Berê Melte yê Unîversîteya Akdenîzî de ameye dayene xeylêk wendekarî tewrê ci bîyî.

Eşkerayîye de bale ameye ser antene ke çeteyê ke xo ra vanê wendekar pê aletanê hêrişî yê sey çuye û kardî rehet kewnê zere û ame vatene ke nê grûbê hêrişkarî hêzê xo polîtîkaya hêrişkare ya îqtîdarê AKP-MHPyî ra genê.

Wendekaran vat: ''Hêrişkaran ra Mehmet Çamî Mudirê Asayîşê Taybetî yê Akdenîzî de pêvînayîş kerdo ke dîmenê nê pêvînayîşî zî estê. Çeteyê faşîstî yê ke Unîversîteya Akdenîzî de yê akdemîsyenanê unîversîte reyde  kombîyayîş kenê. Îdareyê unîversîte verê nê çeteyan akeno û kerdişanê înan nêvînayîşî ra yeno. Ma nêeşkenê heqê xo yê azadîya îfadeyî bişuxulnê la nê çeteyî çi wazenê kenê. Coka nê hêrişê ke ma rê benê, barê îdareyê unîversîte zî tede esto. Seba ke nê sûçî bêceza mêmanê ma do dewa taqîp bikerê. Heqê perwerdeyê azadî yê wendekaranê kurdan nêeşkeno bêro astengkerdene. Wendekarê kurdî seba ke kultur, ziwan û nasnameyê xo pawenê benê hedefê hêrişan ke no nîno qebulkerdene. Ma do vera hêrişanê verê wendekaranê kurdan bêveng memanê. Unîverstîyî yê ma yê, do ma reyde bibê azad.''