Wendekarê Unîversîteya 9 Êlule  Şehmus Buran o ke 24ê gulane de Îzmîrî ra semedê gêrayîşî şi Mêrdîn û tîya tira xebere nêameye girewtene û dima ame eşnawitene ke ameyo destbendkerdene û Mudirîya Polîsan a Îzmîrî de yo, ame tepiştene.

Avûkatê Buranî Welat Zerenî vat: ''Şehmus Buran roja pancşemeyî Îzmîrî ra şino Mêrdînî û roja îneyî qezaya Qoserî de hetê polîsanê sîvîlan ra yeno tepiştene. Polîsî ey bi mergî tehdît kenê û wesayît de ci rê îşkence kenê. Dima Buranî teslîmê polîsanê Mudirîya Polîsan a Mêrdînî kenê. Buran hetê nê polîsan ra zî raştê îşkenceyî yeno. Polîsî çeke mojnenê ey û vanê 'ma do ti berê teberê sînorî de bikişê.' Dima ra Buranî nezaret de tepişenî. Roja şemeyî pê teyara yeno berdene Îzmîrî. Tîya avûkat wazeno la zanayîş nêdîyeno avûkatê ci. Ewro seba ke îfade yeno girewtene xebere daye mi."