Wextê ci yo: Ocalanî rê Azadîye
Rayraşîyayîşê dergê ke ke bi waştişê azadîya Rayberê Şarê Kurdî Abdullah Ocalanî yenê kerdene dewam kenê.Kuçeyanê Berlin, Koln û Marsilya de sloganê ''Ocalanî rê azadîye'' bîyî berz.
Almanya û Fransa de semedê protestokerdişê Komployê 15ê Sibate yê vera Rayberê Şarê Kurdî Abdullah Ocalanî rayraşîyayîşê dergî yenê kerdene.
Rayberîya FED-MED û YJK-E NRW yê eyaletê North Rhein-Westfalenî (NRW) yê Almanya de vizêr rayraşîyayîşê 3 rojan bi şîarê 'Rayber Apoyî rê azadîye, azadîye do ser bikewa' Dortmund de dest pêkerd. Rayraşîyayîş roja dîyine de Koln de ame kerdene. Siba saete13.00 de verê DGB Hausî yê Dusseldorfî de rayraşîyayîş do dewam bikero.
Bajarê Marsilya yê Fransa de zî rayraşîyayîşê hîrê rojane ke vizêr dest pêkerd.Roja dîyine de ciwanê ke Marignanî ra kewtî rayîr saetanê şanî de resayî Îstasyonê St. Antoine . Siba saete 9.00 de rayraşîyayîş do tîya ra dewam bikero.
Paytextê Almanya Berlin de zî rayraşîyayîşî di rojan dîya destpêkerdene. Siba rayraşîyayîş do saete 12.00 de Meydanê Alexanderplatzî de bêro destpêkerdene û Hermanplatz de biqedîyo.
