Wano ke sînorê Îranî de yo, noqtayêka pîle ya multecîyan a. Multecîyî zaf reyî hetê bazirgananê merdiman ra yenê veradayene ge ge zî serdî ra mirenê. Nika zî vîrusê Korona bi gefê mergî.

Hemsereka Komelaya Cigêrayîşanê Koçî ya Wanî Hanîfe Guzel pare kerd ke bi mîlyonan merdimî sebebanê ekonomîk û sîyasîyan ra neçare manenê ke koç bikerê. Hanîfe Guzel vat: ''Wextê janî de multecîyî mîyanê şert û mercanê zehmetan de yê. Wextê normalî de zî cara îmkanê înan kêm bîyî. Her tim vera multecîyan peygoşîye yena kerdene. Her kes xîret keno ke vîrusî ra xo bipawo la vera multecîyan sey 'meseleya asayîşî' yeno têgêrayene. La şert û mercê înan ê cuye vera benê giranêr.''

Guzele ard ziwan ke nêweşxane zî multecîyan weş nêkenê û vat: ''Hûmara multecîyanê ke mirenê tay nîya. Hûmara fermîye tay a û raşt nîya. Hewce nêkenê ke hûmara multecîyanê ke vîrusî ra merdî eşkera bikerê.''