Dayîke Fînce Akman 14ê adare de Zîndanê Marmara de lajê xo Yakup Akman de pêvînayîş kerd. 

La pêvînayîşî ra dima Yakup Akman erzîya hucreyê yewkesî û kincê ke dadîya ci ardbî nêdîyayê ey.

Dayîke Fînce ard ziwan ke lajê ci seba azadîya Rayberê Şarê Kurdî Abdullah Ocalanî grevê vêşanîye keno coka raştê binpaykerdişê heqan yeno û vat: ''Eşyayê ke ma berdê nêdîyenê lajê mi. Wextê pêvînayîşî de îdareyê zîndanî ferz keno ke ma bi tirkî qisey bikerê. Hîrê serrî yo Rayberê ma ra xeberêke nêna girewtene. Domanê ma seba azadîya Rayber Apoyî grev kenê.''

Dayîke Fînce polîtîkayê hukmatê AKP-MHPyî yê vera kurdan rexne kerdî û vat: ''Ocalan seba dewaya kurdan yeno tecrîdkerdene. Waranê Newroze de şarê ma perwerîya xo ya seba Rayber Apoyî mojnaye. 

Heta  ke waştişê tepişteyanê grevê vêşanîye bêrê caardene ma do meydanan de bibê. Ma nêwazenê çew bimiro. Ma wazenê ke tecrîd biqedo. Eke siba domanê ma zîndan de bimirê kam do hesabê ney bido? Eke hewce bikero ma do verê zîndanan de û her ca de vejîyê teber û têkoşînê xo ra fek vera nêdê.''