Wezîrê Karanê Teberî yê Yunanîstanî Nikos Dendiasî vizêr Tirkîya zîyaret kerd û Wezîrê Karanê Teberî Mevlut Çavusogluyî reyde vejîya kamerayan ver. Dendiasî kombîyayîş de vat ke Tirkîya nêeşkena ders bida Yunanîstanî.
Wezîrê Karanê Teberî yê Yunanîstanî Nikos Dendiasî vizêr Tirkîya zîyaret kerd û Wezîrê Karanê Teberî Mevlut Çavusoglıyî reyde vejîya kamerayan ver. Weşanê gandarî de mabênê di wezîran de nîqaş qewimîya.
Dendiasî babetanê sînorê dengizî, koçberîye, tedayan de Tirkîya rexne kerde. Dendiasî ard ziwan ke Tirkîya goreyê peymananê mîyanneteweyîyan tênêgêrena û vat: ''Tirkîya nêeşkena ders bida Yunanîstanî. Pozîsyonê Yunanîstanî zaf zelal o la Tirkîya peymanan binpay kena.''
Nê rexneyan ser Çavuşogluyî vat: ''Ma qetî babeta koçberan vera Yewîya Ewropa û Yunanîstanî nêşuxilnaye. Polîtîkaya ma ca de bîye.''
Çavuşogluyî Yunanîstan pê cîyakerîya misilmanan sûcdar kerd.
