Nuştoxê xêzeromanî Sean Michael Wilson bi nameyê “FREEDOM SHALL PREVAIL the Struggle of Abdullah Öcalan and Kurdish People” (Azadîye Do Ser Bikewa, Têkoşînê Abdullah Ocalanî û Şarê Kurdî) kitabêk nuşt. Kitab nika yeno açarnayene bi almankî, kurdkî û tirkî. 

Sean Michael Wilsonî cewab da persanê ANFyî. 

Wilsonî da zanayene ke ey bi rayîrê Înîsîyatîfê Mîyanneteweyîyî fikrê Ocalanî şinasnayê û vat: ''Mi xeylêk xêzeromanî nuştî. Dima yewî mi rê pêşnîyaz kerd ke ma Kurdîstanî ser o kitabêkî amade bikerê. O çax mi xêrê embaza xo, dosta kurdan Estella û Înîsîyarîfê Mîyanneteweyîyî ra Kurdîstan û Abdullah Ocalanî ser o agahîyî girewtî.''

Wilsonî bale ante Hemleya 'Abdullah Ocalanî rê Azadîye, Meseleya Kurdan rê Çareserîya Kurdan' ser û vat: ''Dinya de zaf merdimî est ê ke hayîya înan pê kurdan çin a. Ez hêvî kena ke kitabê mi bi hîna zaf ziwanan bêro weşanayene û derheqê kurdan û Kurdîstanî de merdiman hayîdar bikero. Fikrê Abdullah Ocalanî Konderalîzmo Demokratîk modelêkê metodê birêxistinkerdişê dinya yo. Ocalanî bi ney modelêk pêşkêş keno ke verê sîstemê kapîtalîstî de alternatîf o. Xora xêzeromanê mi de no zî est o.''