Çarçewaya kampanyaya ''Abdullah Ocalanî rê azadîye meseleya kurdan rê çareserîya sîyasîye'' de vizêr reyna xeylêk welatanê Ewropa de çalakî û aktîvîteyî ameyî kerdene.

Endamanê Tevgera Ciwanên Şoreşger (TCŞ) bajarê Marsilya yê Fransa de bi rayraşîyayîşê meşaleyînî Komployê 9ê Teşrîna Verêne şermezar kerd û azadîya Abdullah Ocalanî waşte.

Paytextê Almanya Berlin de bi tewrbîyayîşê xeylêk şorişgêranê enternasyonalîstan analîz û rexneyê sosyalîzmê realî yê Abdullah Ocalanî ameyî wendene.

Bajarê Kasselî yê Almanya de fotografê Rayberê Şarê Kurdî Abdullah Ocalanî û afîşê “Freiheit für Öcalan” (Azadî seba Ocalanî) xeylêk waranê bajarî de ameyî aliqnayane.

Grazê Avusturya de bi tewrbîyayîşê wekîlê DEM Partî yê Mêrdînî Kamuran Tanhanî kombîyayîşê şarî ame kerdene.

Paytextê Danimarka Kopenhag de stand ame akerdene û derheqê paradîgmaya Abdullah Ocalanî de vilawekî ameyî vilakerdene.

Bellinzonê Swîsre de vera komplo û tecrîdê Îmraliyî rayraşîyayîş û mîtîng ameyî kerdene û azadîya Abdullah Ocalanî ameye waştene.

Bajarê Birghtonî yê Îngîlîstanî de bi babeta Konfederaîzmê Demokratîkî semînerêk ame kerdene û paradîgamya Abdullah Ocalanî dîyaye sarisnayene.

Solothurnê Swîsre de zî vera Komployê 9ê Teşrîna Verêne çalakîye ameye kerdene û azadîya Abdullah Ocalanî ameye waştene.

Frankfurtê Almanya de wendekaran ê cinîyan ê  Unîversîteya Goetheyî bi vilawekan paradîgmaya Abdullah Ocalanî daye sarisnayene.

Aarau de çarçewaya kampanyaya Tîrejen Roje yê TJKE de stand ame kerdene derheqê paradîgmaya Abdullah Ocalanî, komplo û tecrîdî de zanayîş ame dayene.