Xoverdayîşê şarê kurdî ser kewt. Heyetê Weçînayîşî yê Berzî (YSK) mazbataya ke dîyabî namzedê AKPyî apey daye Hemşaredarê Wanî Abdullah Zeydanî.

YSKyî îtîrazê DEM Partî ercna û heqdar dî. 

Temsîlkarê YSKyî yê DEM Partî Mehmet Ruştu Tiryakîyî derheqê babete de verê YSKyî de eşkerayîye daye û pare kerd ke netîceya xoverdayîşê şarî de mazbata dîyaye Hemşaredaranê Wanî.

DEM Partî zî hesabanê xo yê medyaya dîjîtale de nê çîyî vatî: ''Netîceya xoverdayîşê kurdan, dostanê ma û rayaumûmîye de mazbata apey dîyaye Abdullah Zeydanî. Her bijî berxwedana gelê kurd.''

Hemserekê DEM Partî Tuncer Bakirhanî hesabanê xo yê medyaya dîjîtale de vat: ''Oyo ke ganî bibo bîyo. Îradeyê şarê Wanî ame caardene.''

Abdullah Zeydanî derheqê bire de vat: ''Mazbataya ke heqê ma bîya dîyaye ma. Ma îrade û wayîrvejîyayîşê şarê xo selam kenê. Ma verê tewirê şarê xo de sereyê xo anê war.''