Emîne Şenyaşara ke mêrde û lajê ci hetê pawitox û merdimanê Wekîlê AKPyî Halîl Îbrahîm Yildizî ra ameyî qetilkerdene lajê xo Ferît Şenyaşarî reyde verê Edlîyeya Riha de çalakîya nobeta edaletî rê dewam kena. Çalakîya keyeyê Şenyaşarî roja 33. de ya.

Emîşe Şenyaşara ke wazena qetilkarê mêrde û qijanê ci bêrê cezakerdene û lajê ci Fadil Şenyaşar bêro veradayene ewro zî saetanê serê sibayî de verê edlîye de dest pê çalakîye kerde. Keyeyê Şenyaşarî vengdayîşê ''Bêrê ma pîya edaletî bidê ciwîyayene'' kerd.